“Tumblr bloq platforması ilə tanışlıq və ondan effektiv istifadə yolları” mövzusunda təlim keçirilmişdir

10 dekabr 2011-ci il tarixində “İRƏLİ” Gənclik Mərkəzinin “Şuşa” zalında “WeBlog-4” layihəsi çərçivəsində növbəti təlim keçirilmişdir. 30 nəfər gəncin qatıldığı təlim zamanı “İRƏLİ” İctimai Birliyinin idarə heyətinin üzvü Hikmət Hüseynovun rəhbərliyi ilə “Tumblr bloq platforması ilə tanışlıq və ondan effektiv istifadə yolları” mövzusunda maraqlı müzakirələr aparılmışdır.

Qeyd edək ki, layihənin keçirilməsində əsas məqsəd gənclərə blog barədə ilkin anlayışlar, bloqların yaradılması, üstünlüklərindən effektiv istifadə və bloqçulardan ibarət şəbəkənin yaradılmasından ibərətdir. Layihə çərçivəsində ekspertlərlə görüşlər də keçirilir ki, bu da “WeBlog-4” layihəsinin sonuna kimi davam edəcək.

Xatırladaq ki, 13 oktyabr 2011 – ci il tarixindən start götürən “WeBlog-4” layihəsində iştirak etmək üçün 80 nəfər gənc müraciət edib ki, onlar arasında müsahibədən keçən 40 nəfər layihədə iştirak etmək hüququ qazanmışdır.

“İRƏLİ” İnformasiya Texnologiyaları Mərkəzinin 15 dekabr 2010 – cu il tarixində start verdiyi və indiyə qədər davam edən “WeBlog” layihəsi çərçivəsində 150 nəfərdən çox gənc iştirak etmişdir ki, onlardan layihəni uğurla başa vuranlar şəhadətnamə ilə təltif olunmuş və blogger olaraq fəaliyyətlərini davam edirlər.

This slideshow requires JavaScript.