“İRƏLİ” İctimai Birliyi İTM – Qaradağ rayonunun Ümid qəsəbəsində İT təlimlərin birinci mərhələsi başa çatdı.

Məlumat üçün bildirmək istərdik ki, “Yeniliyə Doğru” Gənclər Fondu “Qaradağ Sement” ASC-nin maliyyə dəstəyi ilə və “İrəli” İctimai Birliyinin İnformasiya Texnologiyaları Mərkəzinin tərəfdaşlığı ilə Qaradağ rayonunun Ümid qəsəbəsində yaşayan gənclər üçün kompüter biliklərinə dair təlim kursları keçirilmişdir. Təlim kursu “Ümid qəsəbəsində yaşayan yeniyetmələr üçün inkişaf mərkəzinin yaradılması” layihəsi çərçivəsində həyata keçirilir. Layihənin həyata keçirilməsində məqsəd – qaçqın və məcburi köçkün gənclərin biliklərinin artırılması, yeniyetmələr arasında sağlam həyat tərzinin təbliği və gənclərin yaradıcılıq qabiliyyətlərinin inkişaf etdirilməsindən ibarətdir.

Layihənin birinci mərhələsi 26 iyul 2010 -cu il tarixində artıq başa çatdı.Sonda təlim iştirakçıları sertifikatlarla mükafatlandırıldılar.
Təlimlərin ikinci mərhələsi 28 iyul 2010 – cu il tarixində başalayacaq.